أكيد في مرة من المرات وأنت قاعد في حالة فراغ والملل هيقتلك، وقع تحت إيدك فيديو منهم، فيديوهات تنظيف السجاد، ولقيت نفسك من غير ما تحس، فيديو ورا فيدو بيجرك لحد ما يطلع الصبح ومابتبقاش فاهم أنت عملت في نفسك كده ليه؟
الأول محتاجين إنك تتطمن أنك مش لوحدك اللي قربت على إدمان فيديوهات تنضيف السجاجيد، الإحصائيات أثبتت أن لحد 2023 فيه أكتر من 90 مليار مشاهدة للي بيسموها “Clean Tok”.، يعني أكثر من عدد الناس اللي على الكرة الأرضية بـ10 أضعاف! يعني على كده كل واحد متعود يشوفله كام فيديو في اليوم؟
@roro.m.m فيه ناس ممكن تشوف فيديو نص ساعه ?#غسل_سجاد #غسيل_سجاد #تفاعلو #ربي_يحفظكم #لايك_متابعه #تعلقياتكم_تهمني #تفاعلو_ليكات_وتعليقات_وشكرا #رايكم_بالفيديو
لو حللنا احنا بنعمل في نفسنا كده ليه، هل فيه تفسير منطقي لده كمان؟ هنلاقي إنها ممكن يكون لها علاقة “Satisfaction” أو الشعور بالرضا، لما تلاقي في الفيديو شخص بيخلص كل اللي وراه والسجادة والبيت بينور من النضافة.. هو فيه نهايات سعيدة أكثر من كده؟
وناس تانية نوعية الفيديوهات دي بتقدملها شعور مزيف بالإنجاز من غير ما تعمل أي حاجة، بتستمع بالجهد المبذول في التنضيف، شعور خفي غير مفهوم.
وناس تانية بتاخدها كمنوم بتعيش تجربة سمعية وبصرية في المقاطع وبتعبترها زي المهديء، صوت المياه واحتكاك الفرشاة بالسجاد وهو بيتغسل، زي الناس اللي بتحب تسمع صوت مطر أو أصوات من الطبيعة وموسيقى قبل ما تنام، وده كلام علمي.
أنت بتشوف الفيديوهات دي ليه؟
