لو زهقت من الخروجات التقليدية وقعدات القهوة، أو بتدور على حاجة تضحكك أنت وصحابك، يبقى لازم تجرب واحدة من الألعاب دي! ألعاب ورقية جماعية معمولة مننا لينا وشبهنا في كل تفصيلة.
من الضحك على الميمز، لوداع العزوبية، لألعاب جريمة وتفكير، لحد ألعاب تخليك تعرف شريك حياتك أكتر.
ألعاب هتفصلك من ضغوط الحياة، وألعاب تلم العيلة وتخليها تضحك من القلب.
في المقال ده، جمعنالك أشهر الألعاب اللي ممكن تلعبها في وقت فراغك، وصدقني، هتبقى عايز كل جمعة تبقى لعبة جديدة!
لا تفوّت قراءة: summer is calling.. أنواع الناس في موسم الصيف
قول أميم .. لعبة قلبت مفهوم اللعب في مصر
@2oolameme دليل لعبك مع قول اميم! 👾 www.2oolameme.com #2oolameme #fyp
قول أميم بدأت بفكرة في زمن الكورونا، الناس هتبقى قعدة في البيت زهقانة و محتاجة نوع جديد من التسلية!
وبدأ الأصدقاء عبدالرحمن سليم، ياسمين عمار سارة أبو الخير في مهمة يلا نعمل لعبة. بس والدنيا اتقلبت!
اللعبة انتشرت جدا والناس حبتها. اكتشفوا إن الألعاب الورقية اللي في السوق كلها مستوردة أو مترجمة، مفيش حاجة معمولة للمصريين من مصريين.
دلوقتي قول أميم بقت من أكبر شركات صناعة الألعاب في مصر، بأكتر من 9 ألعاب، وفي محلات كتير أوي في مصر وبرا مصر.
عندهم ألعاب كتير أوي زي “أقول ميم” على اسم الشركة لعبة قلبت مفاهيم الضحك.
وهي عبارة ميمز مأخوذة من أشهر الأفلام والبرامج وكوميكس السوشيال ميديا.
كل لاعب يختار أنسب ميم أو موقف يليق على الموجود على الأرض، والضحك هو الحكم. اللي يقدر يضحك الكل هو “ميم لورد القعدة” ودي بـ380 جنيه!
وفي لعبة ليلة الـ Bach – أول لعبة حنة في مصر، لعبة مجنونة مخصوص لعروسة وشلتها.
فيها 6 ألعاب متنوعة من الضحك والتحدي والرقص مثالية لوداع العزوبية واللمة الحلوة ودي بـ850 جنيه.
وفي كمان لعبة ولاد رزق اللعبة القاضية، فريقين بيتنافسوا، ولاد رزق والعصابة، واللعب محتدم بين كروت السرعة وكروت المواجهة ودي بـ180 جنيه.
لو حابب تشوف باقي الألعاب وتعرف باقي الأسعار من على موقعهم الرسمي من هنا.
وللطلبات تقدر تكلمهم على الواتساب +20 155 526 7260 ومنتجاتهم موجودة في محلات زي ديوان وهدايا ستور وبينجو وسعودي.
كاتافلام .. أول لعبة ورقية رقمية في مصر لمحبي السينما المصرية وقفشات الافلام
عندهم ألعاب عن كرة القدم لمحلية و المصرية بتحديات وفقرات مختلفة تناسب كل محبي كورة القدم والساحرة المستديرة ونسخ البطولات كمان على سبيل المثال نسخة أمم أفريقيا بـ180 جنيه.
وعندهم أقسام من الألعاب الخاصة بالأفلام المصرية، هتلاقي نسخة خاصة بفيلم حب البنات (250 جنيه) حوالي 100 كارت الكروت متقسمة إلى ٤ فقرات من اللعب: “مين اللي قال، وإيه اللي اتقال في المشهد”.
وفي نسخة خاصة بمحمد هنيدي لوحده بـ(350 جنيه)، وفي كمان نسخ خاصة بالمسلسلات المصرية والأجنبية وتقدر تعرف كل ده من خلال موقعهم من هنا وتقدر تطلبهم أونلاين أو من محلات Top toys.
لا تفوّت قراءة: يلا نلعب في الشارع: 5 ألعاب شكلوا طفولتنا
كازينو ألعاب .. ماحدش بيلعبها بالساهل
كازينو ألعاب عندهم مجموعة مختلفة من الألعاب منها كازينو أفلام لعبة تنافسية لمحبي الأفلام والتحدي، تلعب من 2 إلى 6 لاعبين.
الهدف هو تجميع أكبر عدد من الأفلام وشرائها بالممثلين اللي معاك، وكل لاعب يمر على خانة فيلمك هيدفعلك.
اللعبة فيها مزاد، أحكام، أكشن كاردز، وإفيهات بتقلب الموازين سعرها 420 جنيه
وفي كمان لعبة كازينو ألعاب بـ350 جنيه لعبة ناجحة من 2020 بتضم ثلاث ألعاب مختلفة، كل واحدة بتتلعَب لوحدها:
- ورا الكواليس: لعشاق الإفيهات وأسئلة أفلام مصرية
- مش بالساهل: تحديات ذكية وأسئلة منوعة زي الحروف المعكوسة ووصف المهن
- أسرة في بعضينا: تحديات وسرعة بديهة وأسئلة محتاجة جرأة
تقدر تعرف أكثر عن الألعاب دي وتحجزها من موقعهم الرسمي من هنا أو هتلاقيهم في محلات زي Brain Factory، Farghaly stores، Top Toys.
جوكي جوي jokeyjoy .. ألعاب لكل العيلة
@jokeyjoygames انسوا ملل الخروجات بعد كده لاننا واخيراااا عملنالكم اول لعبة للصحاب🔥تاني مفاجأتنا وهي لعبة “هزني” او “Shake me”♥️ ، استنوا الفيديوهات الجاية علشان تعرفوا عن اللعبة اكتر وتشوفوها.😍
المكان ده عنده ألعاب مخصصة للكابل ولكل العيلة، على سبيل المثال فيه لعبة “كابلز ولكن” ودي هدفها الأساسي ترجع حب البدايات وتنمي العلاقات وبتسأل في تفاصيل مشتركة بينكم عليها عرض بـ350 جنيه.
وفيه لعبة مشاعر معمولة مخصوص للناس اللي بتعطل في التعبير عن أي حاجة وتعزز التواصل بين شركاء الحياة.
ودي برضه عليها عرض بـ350 جنيه وفي الأصل هي بـ485 جنيه.
وفي لعبة حكاوي العيلة ودي هدفها قعدة دافية مع أهلنا ترجع ذكريات زمان الجميلة ودي بـ400 جنيه.
وفي ألعاب تانية كتير تقدر تشوفها أو تطلبها من هنا أو هتلاقي منتجاتهم في محلات فيرجين وبينجو أو من على نون أو من أمازون.
لا تفوّت قراءة: من الفكرة إلى الشهرة: قصة اختراع البلايستيشن وأيقونات الألعاب
مسرح جريمة .. أول ألعاب جريمة تفاعلية في مصر
@masr7_gareema نفسك تمسك ملف قضيه و تحاول انك اللي توصل للمجرم! اطلبها دلوقتي من موقعنا https://masra7gareema.com
كل محبين القضايا والجرايم والتحقيق فيها، فاللعبة دي عشانكم. اللعبة بيكون فيها جرايم مختلفة تفضل تمشي ورا الخيوط والمشتبه فيهم لحد ما تحل القضية.
عندهم مثلا لعبة جريمة الغرفة 303 .. السعر قبل الخصم 500 جنيه، بعد الخصم 349 جنيه، في الغرفة 303 وقعت جريمة غامضة… هل هتقدر تكتشف القاتل؟
وفي جريمة الفيلا 666 (سر الشبيه) بنفس السعر، بتتكلم اللعبة عن قضية مثيرة بتبدأ بالعثور على جثة شبه مذيعة مشهورة.
مين هي القتيلة؟ وإيه علاقتها بالمشتبه به الوحيد؟
وماتنساش مع ده تشتري دفتر المحقق بـ70 جنيه، علشان يساعدك على تسجيل الأدلة، تحليل الشخصيات، تحديد مواقعهم، ورسم مسرح الجريمة بدقة.
الألعاب دي هتلاقي فيها تقارير كتير للطب الشرعي والمباحث وضبط وإحضار للمشتبه فيهم.
ومحاضر التحقيق مع المشتبه فيهم وإفادات الشهود وأوراق الأحراز.
ورسايل واتساب كانت على موبايل المجني عليه قبل ما يموت وفواتير فنادق ومطاعم وحجوزات وفيديوهات الواقعة! وكل ده تقدر تطلبه من هنا
سكرو .. لعبة تشغيل الدماغ
كل لاعب بيبدأ اللعبة وبيكون معاه 4 كروت، وباقي كروت اللعبة مقلوبة على الأرض.
بيكون مسموحلك تبص على كارتين بس من كروتك، ولو شفت كارت زيادة من كروتك أو جربت تغير ترتيب الورق بتلبس!
هدف اللعبة الأساسي إن كروتك يكون مجموعهم أقل عدد من النقط فتكسب الجولة، وأكتر لاعب بيجمع نقط بيكون هو سكرو اللعبة وبيخسر.
تقدر تتواصل معاهم من خلال الأرقام دي +201004386505، أو تشتري من خلال المتجر الرسمي YAMP Store، وموجودة في نون وديوان وأمازون ومتاح كمان منها لعبة على بلاي ستور ، وتقدر تشوف أسعار الألعاب اللي بتتراروح من 200 لـ400 جنيه من هنا
افتح Topic .. حل للمشكلة الأزلية
@eftah.topic دلوقتي تقدروا تشتروا بندل الاربع الاعاب من افتح توبيك من الويب سايت✅🔥
لعبة جت وطبطبت على مشاكل معظمنا لما بنعطل ومش بنعرف نفتح مواضيع في أي مكان أو مع أي حد.
اللعبة مكونة من 30 كارت، كل حد بيسحب كارت عشوائي، وكل كارت بيكون فيه موضوع عميق تتكلموا فيه، أسعار الألعاب بتتراوح من 120 لـ 400 جنيه، وتقدر تشتريها أونلاين من موقع صفحتهم من هنا